سنة فاتت.......... وسنة جاية

سنة فاتت بكل ما فيها

بحلوها ومرها

وسنة جاية باحلام وامانى

ايام وتخلص سنة من عمرنا

حاسب نفسك على السنة اللى مرت

هل كنا فيها انسان ولا كنا حاجة تانية

السنة اللى فاتت كنا بنحلم نحقق فيها امانى واحلام

هلا تحققتت احلامنا ؟؟؟؟؟؟؟؟

احلام كتيرة منها اللى اتحقق ومنها اللى ما كانشى لينا نصيب فيه

سنة فاتت

كسبنا ناس وخسرنا ناس

حبينا ناس وكرهينا ناس

ناس حبيتنا وناس كرهتنا

شفنا ناس وشافتنا ناس

اتعلقنا بناس واتعلقت بينا ناس

امانى واحلام كنا نتمنى تتحقق

يا خبر ابيض

سنة فاتت .. يا لهوي .. دى مش سنة .. دول سنين .. يعنى كل سنة بتعدى .. بتتحط فى دفتر وتتشال فى ارشيف حياة كل واحد فينا ..
السنة دى 2007 زاد على ارشيف حياتى وذكرياتى

ذكريات حلوة ....... وذكريات اليمة

يا ترى هنغلط نفس الغلطة نحلم زى كل اول سنة

السنة اللى فاتت ولا نفكر فى السنة الجديدة ..

ونفكر فى الى هيحصل فينا والى حصل زيه قبل كده ..

ويا ترى نخاف منها ولا نستناها واحنا متفائلين .. ؟

ولا ننتظرها واحنا مرعوبين .. ؟؟

حاسب نفسك فى السنة دى

كام مرة زعلت والدك
كام مرة زعلت والدتك
كام مرة زعلت صديقك
كام مرة زعلت صديقتك
كام مرة عصينا ربنا
كام مرة زرنا مستشفى
كام مرة زورت مريض
كام مرة ساعدت محتاج
كام مرة اغثت ملهوف

لما تيجى تحاسب نفسك بالتاكيد انت خسران

الموضوع مش اسلامى ولا اى حاجة

الموضوع انسانى

دفتىر حياتنا سنين وايام وكمان لحظات

العمر بيجرى واحنا مش حاسين
العمر بيجرى واحنا نايمين
لو كان بايدى كنت رجعت ايام وسنين كتير وتمنيت الزمن يقف مكانه

تك تك تك تك ... لحظات متسارعة تخطو بجنون نحونا

تك تك تك تك ...لحظات تكاد تلهفنا وتريد ان تتجنبنا من امام اعينها
لحظات ورا لحظات
يوم ورا يوم
شهر ورا شهر
سنة ورا سنة
العمر خلص واحنا مش حاسين
عمرنا بيجرى
ليه ما نحبش بعض
ليه ما نفرحش وننسى الحزن

الدنيا كلها هتحتفل بليلة راس السنة
هل ده احتفال للسنة الجديدة
ولا ندم وحسرة على السنة القديمة

ليلة جاية اكيد بيكون العقل فيها مخدر بمخدر فظيع

كل لحظة فاتت ندمان عليها

افكار مبعثرة
كلام مش مترتب
ارجو المعذرة
ولكنها احلام ليلة راس السنة